Back Hendrik VIII van Engeland Afrikaans Henrique VIII d'Anglaterra AN Heanric VIII Engla Cyning ANG هنري الثامن ملك إنجلترا Arabic هنرى التامن ملك انجلترا ARZ Enrique VIII d'Inglaterra AST VIII Henri Azerbaijani سککیزینجی هنری (اینگیلیس) AZB Генрых VIII Byelorussian Генрых VIII BE-X-OLD

Hadeng Enrique VIII

Si Hadeng Enrique VIII
Ladawan:King Henry VIII armor - Copy.JPG
An barote'[1] ni Hadeng Enrique VIII yaon asin mahihiling sa Metropolitan Museum of Arts sa Nweba York


Si Hadeng Enrique VIII (Hunyo 28, 1491 – Enero 28, 1547) nagin Hade kan Inglatiera poon Abril 21, 1509 sagkod na siya nagadan. Siya an ikaduwang monarka kan Casa Tudor, kagmana kan saiyang ama na si Enrque VII. Siya bantog sa pag'agom anom na beses, pagkapot nin poder na absoluto sa kabilogan kan saiyang sakop. Sa panahon niya, notado siya kan pagsuway niya sa Iglesia Romana Katolika asin pagtogdas kan Iglesia nin Inglatierra (Iglesia Anglicana), pagtunaw niya kan mga monasteryong Katoliko, pagsamsam kan mga rogaring kan Simbahan Katoliko. Sa panahon niya nangyari man an pagkaburunyog sa sarong kahadean kan Inglatierra asin Gales. Siya nagin man Senyor dangan Hade kan Irlandya asin pinadagos niya an paghihingako kan Kahadean nin Pransya bilang parte kan Kahadean nin Ingles.

Si Enrique sinasabing nakakawili, edukado asin mahusay na hade asin may reputasyon bilang saro sa mga karismatikong namomoon kan tronong Ingles..[2][3] Maliban sa saiyang pagkapot nin poder na absoluto, siya saro man na parasurat asin kompositor. An saiyang makuring kama'wotan na mata'wan an Inglatierra nin tagamanang lalake naggikan sa personal na kapritso asin bako sana sa pagtubod niya na an babaeng mamomoon maluya asin daing kusogboot sa pagpugol kan Dinastiya Tudor, asin an pagpadanay kan matapong katoninongan resulta kan si Mga Gera nin mga Burak[4]— na nagbunga kan duwang bagay na nagpapamidbid saiya: an pagkaigwa niya nin anom na agom asin an Repormasyon nin Inglatierra na nagresulta na an nasyon na ini nagin haros sarong Protestanteng nasyon. Kan siya naggugurang na, nagparataba siya asin an saiyang salud nagroro. Sa historya, hinihiling siya bilang sarong marigsok, ma'isip, maringis na hade na takot maagawan poder. [5].

  1. ↑ barote http://quod.lib.umich.edu/p/philamer/aqa2025.0001.001/60?rgn=full+text;view=image;q1=barote Vocabiulario de la lengua bicol
  2. ↑ John A. Guy, The Tudors: a very short introduction (2000) p. 41
  3. ↑ Robert M. Adams, The land and literature of England (1986) pp. 111–12.
  4. ↑ Wilkinson, Josephine. Mary Boleyn: The True Story of Henry VIII's Favourite Mistress p.70. Amberley Publishing, 2009
  5. ↑ Eric Ives, "Will the Real Henry VIII Please Stand Up?" History Today 2006 56(2): 28–36.

Developed by StudentB